داطلاعاتو او فرهنګ وزير ډاکتر سيد مخدوم رهين نن له کابل څخه دسويس په نيت روان شو .

کابل_ باختر دثور دريمه :
داطلاعاتو او فرهنګ وزير ډاکتر سيد مخدوم رهين نن له کابل څخه دسويس په نيت  روان شو .
سويس  دخلکو دمعنوي شتمنيو اودفرهنګ  ددوديزو ارزښتونو اودهغو دساتنې  په باره کې  دڅليرويشتمې  بين الحکومتي غونډې  کوربه دى .
دکابل له نړيوال هوايي ډګر څخه  دباختراژانس  دخبريال دخبر له مخې ، په دې غونډه کې چې ديونسکو له خوا جوړيږي  دنړۍ دزياترو هيوادونو استازي  ګډون کوي  او دخلکودمعنوي شتمنيو او دفرهنګي ارزښتونو  دساتنې په باره کې  خبرې کوي .
  هغه څه چې په دې غونډه کې څيړل کيږي  او پريکړه کيږي  ټول غړي هيوادونه يې  عملي کوي .
دغه غونډه سبا په ژينو کې جوړيږي  او درې ورځې دوام کوي .