کابل، د لېندۍ ۳۰مه، باختر
د افغانستان کرکټ بورډ د کورني کرکټ څانګې اړوند د زونونو په کچه د ۱۶ کلنو کم عمره لوبغاړو ترمنځ ۵۰ اوریزې سیالۍ پیل شوې.
دغه سیالۍ د خوست ولایت په شهيد رحمت ولي مسرور کرکټ لوبغالي کې پیل شوې چې د هېواد د پنځو زونونو ۶ لوبډلې په کې برخه لري، چې د روانې دسمبر میاشتې تر ۲۹مې نېټې پورې به دوام وکړي.
ټاکل شوې یادې سیالۍ د خوست پر دوه لوبغالو شهيد رحمت ولي مسرور او خوست تڼیوال پارک کرکټ لوبغالو باندې ترسره شي.
