کابلباخترد چنګاښ ٣٠ مه
د افغانستان د اسلامي جمهوریت جمهور رئیس محمد اشرف غني د یو لړ مراسمو په ترڅ کې نن مازدیګر، د سره صلیب نړیوال سازمان د فزیوتراپي برخې رئیس البرټو کایرو ته چې د دوست هېواد ایټالیا تبعه دی، د هغه د ارزښتناکو خدمتونو په درناوي د افغانستان افتخاري تابعیت ورکړ.
د جمهور رييس د وياند دفتر باختر آژانس ته خبر ورکړ:
په دې اړه په ارګ کې په جوړو شویو مراسمو کې، د جمهور ريیس فرهنګي سلاکار اسدالله غضنفر د جمهوررئیس غني فرمان ولوست.
جمهوررئیس غني ښاغلي البرټو کایرو ته د تابعیت تر ورکړې وروسته وویل: نوموړي په افغانستان کې د ۲۸ کالو خدمت په موده کې شپه او ورځ کوښښ کړی، چې د جګړې قربانیانو، ملکي وګړو او امنیتي ځواکونو ته داسې کار وکړي چې هغوی روغ رمټ شي او بېرته خپل کار او فعالیت پیل کړي.
پاىجهان يار
