سیاست

جمهور رئیس غني د ابوظبۍ د انکشافي صندوق له رئیس او غړو سره وکتل

کابل باختر د مرغومي  درې ويشتمه
د افغانستان جمهور رئیس محمد اشرف غني نن له غرمې مخکې په ابوظبۍ ښارکې په خپل استوګنځي کې د ابوظبۍ د انکشافي صندوق له رئیس او غړو سره وکتل.
دجمهوري رياست مطبوعاتي دفترباخترآژانس ته خبرورکړ.
په دې کتنه کې دواړو لورو له افغانستان سره  په بېلابېلو برخوکې د ابوظبۍ د انکشافي صندوق د مرستو په باب بحث او خبرې وکړې.
د هېواد جمهور رئیس او د ابوظبۍ د انکشافي صندوق مسوولینو موافقه وکړه چې د دغه صندوق په مرسته په کابل او د هغه په شاوخوا سیموکې د اوبو د لویو بندونو او د برېښنا د کوچنیو بندونو د جوړولو او د ځنګلونو د بیا رغونې پروژې دې په کار پیل وکړي.
پریکړه وشوه چې د دغو پروژو د مطالعې لګښت د ابوظبۍ انکشافي صندوق په غاړه واخلي او له هغې وروسته دغه صندوق د عربي هېوادونو د انکشافي صندوقونو په ګډون  د دغو پروژو د تمویل لپاره د یو سیمه ایز کنفرانس کوربه توب وکړي.

نور ښکاره کړئ

اړونده مقالې

بیرته پورته تڼۍ ته