جمهور رئیس حامد کرزي د حمید رحیمي د بریالیتوب له امله مبارکي وویله
کابل باخترد لړم د مياشتې لسمه
د افغانستان د اسلامي جمهوریت جمهور رئیس حامد کرزي د تانزانیایي سیال په وړاندې د حمید رحیمي د بریالیتوب له امله هغه او د افغانستان ټول ملت ته مبارکي وویله.
په هغې مطبوعاتي اعلاميه کې چې په دې اړوند دجمهوري رياست دمطبوعاتي دفترله لارې باختراژانس ته رسيدلى ده ديل شوى دى.
تېره شپه، د سولې لپاره د مبارزې په نامه د افغان سوک وهونکي حمید رحیمي او د هغه د تانزانیایي سیال سعید امبیلوا ترمنځ د لویې جرګې په تالار کې د سوک وهنې سیالي ترسره شوه، حمید رحیمي وکولای شول چې په اووم پړاو کې خپل تانزانیایي سیال ته ماته ورکړي او د سوک د نړیوال سازمان د بین القاروي منځني وزن د اتلولى کمربند ترلاسته کړه.
د هېواد جمهور رئیس حمید رحیمي ته د مبارکۍ ویلو په ترڅ کې د تانزانیایي سوک وهونکي سعید امبیلوا چې افغانستان ته راغی او دلته یې سیالي وکړه، قدرداني وکړه.
