کابل باخترد لړم د مياشتې ٩ :
په هرات کې د فوټبال د غوره ليګ سيالۍ نن مازيګر د بيګ بير او پامير د ټيمونو ترمنځ لوبې سره دوام مومي.
د هرات ولايت د فوټبال فدراسيون تخنيکي مسوول نجيب الله نوروزي د باختر آژانس خبريال ته وويل چې د فوټبال دغوره ليګ سيالۍ د اتو ټيمونو په ګډون په هرات کې پيل شوې دي اوپه پرونۍ لوبه کې دانصاري اوسرخ پوشانو ټيمونو لوبه په يو يو ګول سره برابره پاى ته ورسوله.
د يوبل خبرله مخې: په هرات کې دفوټبال دغوره ليګ د دويم لاس سياليو نن سهار د هېواد او آريا د ټيمونو په لوبې سره دوام وکړ.
په دې په زړه پورې او ګول لرونکې لوبه کې د هېواد ټيم ديوې په وړاندې په اوو سره د آريا ټيم ته ماتې ورکړه.
خبرځاى وويل چې په هرات کې دفوټبال دغوره ليګ د دويم لاس دټيمونو سيالۍ د دولسو ټيمونو په ګډون پيل شوې دي چې سبا د خراسان او د پيروزي ټيمونه لوبه کوي.
