بياهم په غزني کې په ملکي وګړو دطالبانو دهاوان بريد
غزنى – باختر دتلي ٢٢
په غزني ښار کې داستوګنې په يو کور دهاوان دلګيدو له امله يو ملکى وګړى ووژل شو او څلورتنه نور ټپيان شول.
دغه پيښه تيرماښام هغه وخت رامنځته شوه چې طالبانو دغزنى ښار په مربوطاتو کې داستوګنې په يو کور بريد وکړ.
ويل کيږي چې په دې پيښه کې يوه ښځه وژل شوې او يوه ښځه او دوه ماشومان ټپيان شوي دي.
داپه څو ساعتونو کې پرغزني ولايت دهاوان دويم بريد دى چې له امله يې ملکي وګړو ته مرګ ژوبله اوړى.
په لومړى پيښه کې چې پرون غرمه وشوه په اندړو ولسوالۍ کې په يوه کور دهاوان دماين دلګيدو له امله درې تنه ملکي وګړي ټپيان شول.
دغزنى دوالي ويندوى نبى جان باختر آژانس سره په اړيکه کې وسله وال طالبان ددغې پيښې مسوول بولى.
ده وويل چې په دې پيښه کې داستوګنې په دوو کورونو دهاوان ماينونه لګيدلي دي.
په همدې حال کې دغزنى ښار د روغتون ډاکترانو ددغې پيښې ديو تن ټپي روغتيايي حالت خراب بولى.
