بهرنیو چارو وزارت کې د یوې سرچینې تائید؛ اکرام الدین کامل په ممبي کې سرپرست کونسل ګومارل شوی
کابل، د لړم ۲۲ مه، باختر
له بهرنیو چارو وزارت څخه یوې معتبرې سرچینې باختر اطلاعاتي اژانس ته تائيد کړه، چې حافظ اکرام الدین کامل د هند په ممبي ښار کې د اسلامي امارت له لوري سرپرست کونسل ټاکل شوی دی.
کامل د نړیوالو حقوقو په برخه کې د دوکتورا تر کچې زده کړې کړي او مخکې تر دې د بهرنیو چارو وزارت د امنیتي همکاریو او سرحدي چارو ریاست معاون پاتې شوی دی.
نوموړی اوس مهال ممبي کې دی او هلته د اسلامي امارت د ډيپلومات په توګه دنده ترسره کوي.
