بلخ کې د یوه پارک د رغولو چارې پیل شوې
کابل، د لړم ۲۲ مه، باختر
د بلخ ولایت په ۷ ناحیه کې د څه باندې ۴ میلیونه افغانیو په لګښت د (برګ پارک) د جوړولو چارې پیل شوې دي.
د یاد ولایت د ښاروالۍ مرستیال مولوي محمد نسیم عابد د باخترآژانس خبریال ته ویلي چې د دغه ولایت په اوومه ناحیه کې د یاد ولایت د ښاروالي په مالي ملاتړ د ۴.۵ میلیونه افغانیو په لګښت په ۲ جریبه ځمکه کې په معیارې بڼه د (برګ پارک) د جوړولو چارې پیل شوې دي.
نوموړي زیاته کړې، چې یاد پارک د مزارشریف ښار د ۷ مې ناحیې د کارته صلح اړوند M پروژه کې په معیاري توګه جوړېږي، چې د یاد ښار ښکلا کې به مهم رول ولوبوي.
