خبرونهټولنهروغتیا

بغلان کې په نشه يي توکو ۲۲ روږدي کسان راټول کړل شول

کابل، د سلواغې ۲۴ مه، باختر

د بغلان امنیتي مسوولینو په یاد ولایت کې په نشه يي توکو د ۲۲ روږدو کسانو د راټولولو خبر ورکړی دی.

د بغلان د امنیې قوماندانۍ د نشه يي توکو پر وړاندې د مبارزې مدیر ملا محمد نبي کامران د باخترآژانس خبریال ته وویل، چې د یادې قوماندانۍ د نشه يي توکو پروړاندې د مبارزې پولیسو د یولړ عملیاتو په ترڅ کې په نشه يي توکو ۲۲ روږدي کسان د یاد ولایت د مرکز پلخمري ښار له مربوطاتو څخه راټول او د درملنې کمپونو ته معرفي کړي دي، چې له ۴۵ ورځو درملنې وروسته به خپلو کورنیو ته وسپارل شي

د یادونې وړ ده، چې په بغلان کې د تېرو دوو کلونو په بهیر کې په نشه يي توکود نږدې ۳۵۰۰ روږدو کسانو درملنه شوې او عادي ژوند ته را ستانه شوي دي.

نور ښکاره کړئ

اړونده مقالې

بیرته پورته تڼۍ ته