کابل، د زمري ۳۰مه، باختر
د بغلان د ورزش آمریت مسوولین وایي، چې په دغه ولایت کې د لسو لوبډلو ترمنځ د فوټبال غوره لیګ سیالۍ پیل شوې دي.
د یاد ولایت د فوټبال فدراسیون رییس محمد ګل مسکینیار د باختر آژانس سیمه ییز خبریال ته ویلي، چې په دغه ولایت کې د لسو لوبډلو ترمنځ د فوټبال غوره لیګ سیالۍ پیل شوي، چې موخه یې د ورزش پرمختګ د لوبغاړو د وړتیا زیاتول او د یاد ولایت لپاره د ولایتي منتخب ټیم جوړېدل ښودل شوي دي.
ورته مهال یو شمېر لوبغاړو د یاد لیګ په جوړېدو خوښي ښودلې او له مسوولینو یې د ورته نورو پروګرامونو د جوړولو غوښتنه کړې ده.
