کابل، د زمري ۲۰ مه، باختر
په بغلان کې د عمري قول اردو اړوند په زید بن حارثه «رض» لوا کې د اوبو رسولو د یوې پروژې چارې بشپړې او ګټې اخیستنې ته وسپارل شوه.
د زید بن حارثه «رض» د لوا ویاند بلوچ زاده عمري بلخي وايي، چې د اوبو رسولو دغه پروژه ۴ کیلومتره اوږدوالی لري چې د کندز- بغلان د سیند په څنډه کې د بوغابي کوتل سره نژدې جوړه شوې چې د دوه اینچه اوبو د لیږد وړتیا لري.
د زید بن حارثه «رض» د لوا د تسهیلاتو آمر ملا عبدالهادي عرب وویل، چې دا پروژه د یو نیم میلیون افغانیو په لګښت بشپړه شوې چې یو میلیون افغانۍ یې د ملي دفاع وزارت له لوري او ۵۰۰ زره افغانۍ یې د کورنیو چارو وزارت له لوري ورکول شوي دي.
د یادونې وړده، چې د یادې پروژې په بشپړېدو سره په زید بن حارثه « رض » لوا کې د اوبو د نشتون ستونزه په بشپړ ډول لمنځه تللې ده.
