ایلن ماسک له ټرمپ څخه مالي ملاتړ کړی
نړۍ، د چنګاښ ۲۳ مه، بهرنۍ رسنۍ
بلومبرګ نشریې د ځینو سرچینو له قوله خبر ورکړی، چې امریکایي میلیاردر ایلن ماسک د دغه هېواد له پخواني ولسمشر او راتلونکو ټاکنو ته د جمهوریت غوښتنکو د ګوند له نوماند ډونالډ ټرمپ څخه مالي ملاتړ کړی.
نشریې وړاندې لیکلي، چې دا د ایلن ماسک یوه لویه سیاسي لوبه ده، چې له مخې یې غواړي د امریکا په راتلونکي سیاسي جوړښت کې اغېز ولري.
د پیسو د رقم په اړه څه نه دي ویل شوي، خو وایي ډونالډ ټرمپ له ایلن ماسک څخه د خپلو تاکنیزو مبارزو او فعالیتونو لپاره د پام وړ ډېرې پیسې ترلاسه کړې دي.
ایلن ماسک مخکې تر دې هم د دواړو ګوندونو له نوماندانو څخه مالي ملاتړ کړی، خو دا ځل ښکاري داسې، چې ماسک غواړي دغو ټاکنو کې له یو اړخ څخه ملاتړ وکړي.
