ایران د ټرمپ د ترور قصد درلود
نړۍ، د لړم ۱۹ مه، پښتو خبرونه
د امریکا متحده ایالاتو د عدلیې وزارت د یوې خبرپاڼې په خپرولو سره ویلي، چې ایران قصد درلود له ټاکنو وړاندې د امریکا ټاکل شوی ولسمشر دونالډ ټرمپ ترور کړي، هغه ادعا چې ایران په کلکه سره رد کړې ده.
عدلیې وزارت ویلي، چې ایران د دغه کار د ترسره کولو لپاره امریکا کې دننه یو کس ګمارلی و.
د یو بل خبر له مخې؛ ټرمپ پر ایران د لا نورو بندیزونو لګولو پلان لري
والسټرېټ ژورنال ورځپاڼې د یو شمېر سرچینو په حواله خبر ورکړی، چې ټرمپ به د ولسمشر په توګه د ندې له پیل سره سم پر ایران نور بندیزونه هم ولګوي.
سرچینو ویلي، ښایي دغه بندیزونه تر ډېره د ایران پر نفتي منابعو ولګول شي.
