ايران ته دپاکستان دصدراعظم سفر .

تهران باختر دمرغومي ديرشمه :
دپاکستان صدراعظم نوازشريف دايران له جمهور رييس حسن روحاني سره په تهران کې دايران او عربستان ترمنځ دتاوتريخوالي په باره کې خبرې وکړې .
روحاني وويل: برجام کيداى شي دسيمه ئيزو اختلافونو دحل اوفصل کولو لپاره يوه الګو وي ، دتجارتي ، بانکي او امنيتي اړيکو پراختيا هم ددواړو سياستوالو دخبرو موضوعګانې وې .
دپاکستان صدراعظم نوازشريف پرون ديوه جګپوړي هئيت په مشرۍ تهران ته ورسيد .
ده يوه ورځ مخکې له خپل ملګري هئيت سره رياض ته سفر کړى و .
خبرې سرچينو پخوا خبر ورکړى و چې رياض او تهران ه دشريف دسفر موخه دايران او عربستان ترمنځ دتاوتريخوالي دله منځه وړلو لپاره منځګړيتوب دى .