اووه زره جريبه ځمکه خړوبه شوه

کابل باختر دغبرګولي دمياشتې ٢٠ :
په کندز کې ديوې پروژې په پرانيستلو سره اووه زره جريبه کرنيزه ځمکه خړوبه شوه.
دغه پروژه دګاوکش دنهر بند دى چې ددغه ولايت دخان آباد په و لسوالۍ کې  موقعيت لري  اوپرون ګټې اخيستنې ته وسپارل شو.
دکندز والي  اسدالله عمرخيل دباخترآژانس خبريال ته وويل :  دغه بندد شهيد سردارمحمدداودخان دسترو پروژو يوه برخه وه  چې کار په  هغه وخت کې پيل شوى و  خو دکورنيو  جګړو له امله کاريې نه و بشپړ شوى  او داروپا اتحاديې  په مرسته  په شپږو مياشتو کې جوړشوى دى.
دخبرځاى دڅرګندونوله مخې ؛  ددغې پروژې په پرانيستلو سره څه دپاسه اووه زره  جريبه  زراعتي ځمکه خړوبه شوه او په راتلوونکي کې به د بريښنا په توليد کې هم ورڅخه  استفاده وشي.
په همدې حال کې دخان آباد ولسوالۍ يو شمير بزګران او خلک ددغه ستر بند د جوړولو له امله خوشحاله دي  او دهغوي د اوبو دکمښت ستونزه لرې شوې ده.
دوى د پروژو د امنيت  تامينولو په لاره کې  له  دولت سره د هر راز همکارۍ ډاډ ورکړ.