اووه تنه وسله وال طالبان په نورستان کې ووژل شول
کابل/باختر/ د غبرګولي د مياشتې ۶ مه
اووه تنه وسله وال طالبان په نورستان ولايت کې پر يوې پوستې د ناکام بريد په بهير کې ووژل شول .
دغو طالبان تېره شپه د وانټ وايګل ولسوالۍ بازار ته څېرمه پوستې بريد وکړ چې د پوځيانو له غبرګون سره مخامخ شول او يو په بل پسې ووژل شول.
د هېواد په ختيځ کې د ملي اردو يوه جګپوړي قوماندان د باختر آژانس خبريال ته وويل چې په دې نښته کې اووه تنه وسله وال طالبان وژل شوي دي .
په دې جګړه کې پوځيانو او د سيمې اوسيدونکو ته زيان نه دى اوښتى .
ختم_ سعيده _ اکرم
