سیاست

امنيتي قرارداد د دواړو لورو دګټې پربنسټ طرحه شوى دى

کابل باختر دمرغومي اتمه :
د افغانستان دولت د امريکا له متحده ايالاتو سره د امنيتي او دفاعي قرارداد لاسليک کولو ته چمتو دى .
دباخترآژانس دخبر له مخې: دبهرنيو چارو وزارت ويندوى جانان موسي زي نن په يوه خبري غونډه کې د دغه موضوع په بيانولو سره وويل چې دغه قرارداد د دواړو لورو دګډوګټو پربنسټ  طرحه شوى دى او د دواړو لوروګټې پکې تسجيل شوې دي.
ده وويل: هغه څه چې په دې مهم پړاوکې دافغانستان دولت ته ارزښت لري؛ د هغه د تطبيق په لاره کې د ډاډ او ضمانتونوترلاسه کول دى چې په دوو اساسي موضوعګانو پورې اړه پيداکوي چې تراوسه پورې څو ځلې طرحه شوې دي. يوه يې د استوګنې په ساحو هر راز پوځي بريدونو بشپړ بندول او دامريکا دمتحده ايالاتو او پاکستان په ملاتړاوهمکارۍ د سولې د بهير عملي پيل دي چې د افغانستان خلک د دې ډاډ ترلاسه کوي چې دغه قرارداد د افغانستان دخلکو دسولې، ثبات، امنيت اوپرمختګ په ګټه دى.

نور ښکاره کړئ

اړونده مقالې

بیرته پورته تڼۍ ته