امریکا کې د ناټو ۷۵ سرمشریزه، روسیه یو لوی ګواښ دی
نړۍ، د غبرګولي ۲۱ مه، بهرنۍ رسنۍ
د امریکا متحدا ایالاتو په کوربه توب د ناټو سرمشریزه پای ته رسېدلې او ټولو غړو یې د کابل په وخت نن پنجشنبې سهار د یوې خبرپاڼې په خپرولو سره روسیه د دغه سازمان لپاره یو لوی ګواښ بللی، ټینګار یې کړی، چې د تاوتریخوالي له زیاتېدو څخه د مخنیوي لپاره به مسکو سره د اړیکو لارې فعاله وساتي.
خبرپاڼه کې له اوکراین څخه د ملاتړ او د چین د کابو کولو موضوع هم یاده شوې.
«««««
ناټو په نړۍ کې خپل حضور پراخوي
د ناټو سازمان مشرانو په واشنګټن کې د دغه سازمان په ۷۵ مه سرمشریزه کې پرېکړه کې، چې غواړي په افریقا، منځني ختیځ، تور سمندرګي، بالکان هېوادونو او د نړۍ په ځینو نورو سیمو کې خپل حضور پیاوړی کړي.
دوی دغه پرېکړه نن پنجشنبې سهار د سرمشریزې د وروستۍ اعلاميې په ترڅ کې کړې ده.
د ناټو غړو هېوادونو ویلي، چې د حضور له پراخولو یې موخه نړۍ کې د سولې ساتل دي.
«««««
د ناټو سازمان د ګدې اعلامي څو نور مهم ټکي په دې ډول دي.
ناټو خپل هستوي سیستم نوی او پیاوړی کوي،سازمان کې د اوکراین د غړیتوب لپاره هڅې کېږي، خو چې شرایط پوره کړي، ناټو اراده لري، چې د راتلونکي په جریان کې اوکراین سره ۴۰ میلیارده یورو مرسته وکړي، ناټو سازمان له چین څخه غوښتي، چې له روسیې سره له همکارۍ لاس واخلي.
