کابل د زمري ۲۳مه، باختر
له هند څخه خپرېدونکې ایکونومیک ټایمز ورځپاڼې د بنګله دېش د پخوانۍ لومړۍ وزیرې حسینه واجد له قوله خبر ورکړی، چې د دغه هېواد په وروستیو بدلونونو کې امریکا لاس درلود.
ورځپانې د د مېرمن حسینې له قوله زیاته کړې، چې ګواکې امریکا یې له حکومت څخه پر بنګال خلیج کنټرول او دغه راز د سینټ مارټین ټاپو حاکمیت غوښته.
سپینې ماڼۍ دغه ادعاوې رد کړي او هغه یې د بنګله دېش کورنۍ مسئله بللې ده.
د حسینې زوی ساجب واجد بیا د اېکس په یو پیغام کې د هندي ورځپاڼې دغه خبر رد کړی، زیاته کړې یې ده، چې مور یې هېڅکله داسې څرګندونې نه دي کړي.
بنګله دېش له تېرو شاوخوا دوه میاشتو څخه د یو لړ حکومت ضد لاریونونو شاهد و، چې پایله کې یې د حسینه واجد واکمني پای ته ورسېدله.
