اقتصادي عالي شورا غونډه وکړه .
کابل- باختر دليندۍ ديرشمه:
د اقتصادي عالي شورا غونډه نن له غرمې مخکې د افغانستان د اسلامي جمهوريت جمهور رييس حامدکرزي په مشرۍ په ارګ کې جوړه شوه .
د جمهوري رياست مطبوعاتي دفتر باختر اژانس ته خبرورکړ:
په دې غونډه کې چې د جمهوري رياست مرستيالانو او د اقتصادي عالي شورا غړو ګډون کړي و؛ د اقتصاد وزير، د اقتصادي عالي شورا د سکرټرپه توګه وټاکل شو او دنده وسپارل شوه چې د شورا د نورو غړو په مشوره د غونډو اجندا وټاکي او د چارو د ادارې او د وزيرانو شورا د دارالانشا لوى رياست دې د دغو غونډو د تنظيم او برابرولو په برخه کې په هرو دريو مياشتوکې او يا د اړتيا له مخې جوړيږي؛ اقدام وکړي .
د اقتصادي عالي شورا په نننى غونډه کې، په افغانستان کې د بهرنيو پانګې اچونې د جلب اوجذب په باب خبرې اترې وشوې .
