کابل باخترد لړم د مياشتې ١٨ :
په هرات کې د فوټبال د غوره ليګ سياليو پرون مازيګر په يوې لوبې سره دوام وموند.
د هرات د فوټبال فدراسيون تخنيکي مسوول نجيب الله نوروزي دباخترآژانس خبريال ته وويل: په دې پړاوکې داستقلال او بيګ بيرټيم لوبه وکړه چې لوبه د دوو په وړاندې په څلورو سره د استقلال ټيم په ګټه پاى ته ورسيده.
د نوروزي دڅرګندونوله مخې: په هرات کې د فوټبال دغوره ليګ سيالۍ د اتو ټيمونو په ګډون پيل شوي دي چې په يوه اوونۍ کې څلور ورځې ترسره کيږي.
