ارغنديوال د حکمتيار وړانديز رد کړ .

کابل باختر د وري  ديارلسمه :
حکمتيار د اسلامي ګوند له مشر ارغنديوال څخه غوښتي دي  چې دخپل  ګوند  نوم د پيشوند اويا پسوند په زياتولو سره متفاوت کړي خو ارغنديوال دغه وړانديز رد کړى دى .
  په رسنيو کې  په خپرو شويو رپوټونوکې ويل شوي دي چې ګلبدين حکمتيار له عدليې وزير څخه هم غوښتي دي  چې د ده د ګوند په نامه کې يو بدلون وارد کړي ، خو د وزير له مخالفت  سره مخامخ شوى دى .
باختراژانس  په رسنيو کې  د خپرو شويو رپوټونو پربنسټ ليکي چې ارغنديوال منلې ده  چې  څلويښت کاله مخکې د دغه ګوند د موسس په توګه د حکمتيار نوم  په دې وزارت کې د خپل  ګوند په فاعل کې په يوخاص فورم کې ثبت کړي . خو چمتو نه دى چې دګوند رياست حکمتيار ته وسپاري اويا دګوند نوم  بدل کړي .
داسې څرګندونې شته چې  دحکمتيار  يوشمېر پوځي قوماندانانو  ارغنديوال ته خبر دارى  ورکړې  دى  چې  د حکمتيار سپکاوى ونه کړي .
دغه  خبر دارى اوس  د حکمتيار او ارغنديوال ترمنځ  په نويو ناندرو بدل شوى دى .
د ارغنديوال او حکمتيار ترمنځ   ناندرې په داسې حال کې طرحه کېږي  چې د اسلامي ګوند يوه بله څانګه تېره اوونۍ له اسلامي ګوند څخه جلا شوه او د اصلاح غوښتونکو په نامه   خپل فعاليت ته دوام ورکوي .  ختم_ ج _ اکرم