کابل باختر د کب دمياشتې ١٨ :
د افغانستان داسلامي جمهوريت اجرائيه رئيس ډاکتر عبدالله عبدالله دتروريستانود ځپلو په خاطر د امنيتي ځواکونو دځانګړو قطعاتو له سرتيرو څخه مننه وکړه.
داجرائيه رياست مطبوعاتي دفتر باخترآژانس ته خبر ورکړ :
تروريستانو نن د سردارمحمدداوود خان په روغتون په بريد سره د دغه روغتون يو شمير ناروغان او ډاکتران شهيدان او ټپيان کړل.
د هېواد اجرائيه رئيس دتروريستوطالبانوله شتون څخه دسردارمحمدداوود
خان د روغتون دتصفيوه کولو په بهيرکې له امنيتي ځواکونوڅخه دمننې په
خاطر دغه روغتون ته لاړ او حالت يې له نږدې وڅيړه .
ډاکتر عبدالله عبدالله دجنايتکارو تروريستانو په له منځه وړلو کې دامنيتي ځواکونو ميړانه او سرښندنه وستايله او په هغوي يې مهرباني وکړه.
د هېواد اجرائيه رئيس ددولتي بنسټونومسوولينو ته لارښوونه وکړه چې ډير ژر اوله ټولوامکاناتو څخه په استفادې سره د دغې پيښې دټپيانو حالت وڅيړي.
ډاکتر عبدالله عبدالله د عامې روغتيا وزارت او د سردار محمد داوود خان دروغتون مسوولينو ته لارښوونه وکړه چې ددغه روغتون دبيارغاونې او احيا کولو په برخه کې دې سملاسي اقدام وکړي.
د هېـــــواد اجـرائيــــه رئيس يوځل بيا د سردارمحمدداوود خان په روغتون دتروريستانو بريد وغانده او ويې ويل چې په ډاکترانو او ناروغانو بريدد ټولو ديني او انساني ارزښتونو او اصولو پرخلاف دي .
