اته تنه ډاراچوونکي ووژل شول
کابل باختر دوري دمياشتې ٦ نيټه :
د افغان امنيتي ځواکونو ځانګړي چاڼيز عمليات چې تېره شپه د ننګرهار ولايت په مربوطاتو کې ترسره شول په ترڅ کې يې اته تنه ډاراچوونکي ووژل شول.
د باختر آژانس د خبرله مخې ؛ د ملي دفاع وزارت د يوې خبرپاڼي په خپرولوسره ليکلي دي ؛ تېره شپه د ملي امنيت (٠٢ ) قطعې منسوبينو د ننګرهار ولايت دخوږياڼيو ولسوالۍ په مربوطاتو کې عمليات ترسره کړي چې په ترڅ کې يې اته تنه ډاراچوونکي وژل شوي ، يو تن ټپي شوى او د هغوي لس ډول ډول وسلې له منځه وړل شوي دي.پاى ذکرالله
