کابل باختردثوردمياشتې ١٩ :
اته تنه وسله وال طالبان نن په کندز ولايت کې په دريو جلاجلا پيښو کې
ووژل شول.
دباخترآژانس خبريال دکندز له ښار څخه خبر راکړ : وسله والو طالبانو
نن سهار ددغه ولايت دارچي ولسوالۍ ددريو کليو په ا منيتي پوستو بريد
وکړ چې دپوليسون دمقاومت په نتيجه کې دوه تنه بريد کوونکي ووژل شول
اوڅلور تنه نوريې ټپيان شول.
دکندزولايت دامنيې قوماندانۍ دامنيت آمر طالبانو ته دسردرسيدلي زيان
دتائيدولو په ترڅ کې ويلي دي چې دعامه نظم يو پوليس هم له طالبانو سره
دنښتې په بهېرکې ټپي شوى دى .
په همدې حال کې ده تائيد کړه چې دوه تنه وسله وال طالبان په چاردرې
ولسوالۍ
کې له امنيتي ځواکونوسره په نښته کې ووژل شول .
دغه راز له چاردرې ولسوالۍ څخه خبر ترلاسه شوى دى چې څلور تنه وسله وال
طالبان تيره شپه هغه وخت ووژل شول چې په يو کورکې د ماينونو په جوړولو
بوخت وو.
په دې پيښه کې شپږ تنه نور وسله وال طالبان ټپيان شوي دي.
