کابل باختر دثور نهمه:
د هرات ولايت د شينډنډ په ولسوالۍ کې د امنيتي او دفاعي ځواکونو د ځمکنيو او هوايي هدفمندو بريدونو په نتيجه کې اته تنه وسله وال طالبان ووژل شول او اووه تنه نور يې ټپيان شول .
د هرات د والي وياند جيلاني فرهاد باختراژانس ته وويل: دغه بريدونه پرون له هغه وروسته پيل شول چې په لسګونه تنه وسله وال مخالفين له فراه ولايت او له زيرکوه څخه د شينډنډ ولسوالۍ ته راغلي و ، او د چشمه په ساحه کې يې دملي اردو په يوې پوستې بريد وکړ .
دغې جګړې د شپې ترلسو بجو پورې دوام درلود ، چې د کوماندو او د هوايي ځواکونو د بريدونو په نتيجه کې اته تنه وسله وال طالبان ووژل شول او اووه تنه نور يې ټپيان شول .
په دې جګړه کې د دښمن يوشمېر وسايط هم له منځه وړل شوي دي .
د رارسيدلو خبرونو له مخې ، د شينډنډ ولسوالۍ مسوولين وايي په دې جګړه کې دوه تنه سرتيري هم شهيدان شوي دي .
